«U cełym, ja liču, u nas adnosiny raźvivajucca vielmi paśpiachova. Dastatkova skazać, što letaś u nas tavaraabarot vyras bolš čym na 23% i pieravysiŭ $32 młrd, sioleta jašče zvyš 12% rostu da bazy minułaha hoda, heta značyć my vyjdziem za letašnija pakazčyki».
Adnak, jak pryznaŭ rasijski prezident, jość i prablemy, asabliva ŭ śfiery enierhietyki. «Kali damovimsia, to zusim budzie dobra», — adznačyŭ jon i dadaŭ, što «nieabchodna zrabić usio, kab nie było nijakich ciažkaściaŭ».
Łukašenka ŭ adkaz padziakavaŭ Pucinu za mahčymaść sustrečy i adznačyŭ, što «ni ŭ kaho niama takich blizkich adnosin, jak u biełarusaŭ i rasijan».
«Vy tolki što skazali, što my možam damovicca. Ja bolš skažu: sapraŭdy možam damovicca, tamu što kamandy, jakija ciapier tut znachodziacca, praviali šerah raŭndaŭ pieramovaŭ, jany viedajuć prablemu. Dy i my z vami ŭžo hłyboka paśviečanyja ŭ tyja pytańni, jakija treba siońnia vyrašyć, — skazaŭ Łukašenka. — Chaciełasia b, viadoma, kab my vyrašyli hetyja pytańni i ŭ novy hod nie ciahnuli staryja prablemy, tamu što heta drenna, kali staryja prablemy pierachodziać u novy hod».
Płanujecca, što spačatku baki abmiarkujuć pytańni biełaruska-rasijskaha supracoŭnictva ŭ prysutnaści členaŭ uradaŭ, a zatym u farmacie «sam-nasam».
