Turkmienskaja sietka atrymała nazvu «Biz biarde» («My tut», stvaralniki prapanujuć taksama vykarystoŭvać skaročanuju nazvu «Bi-Bi»). Pra heta 23 śniežnia paviedamiła vydańnie Orient.
Prezientacyja novaj sacsietki adbyłasia ŭ kancertnaj zale «Turkmienistan» u miežach kancerta «Sunhat esery», jaki zajmajecca pradziusavańniem maładych muzykaŭ. «My doŭha pracavali nad tym, kab naš pradukt padabaŭsia karystalnikam, i nam daviałosia sutyknucca ź vialikaj kolkaściu składanaściaŭ. Sietka «Biz biarde» nie idealnaja, ale pa mnohich paramietrach jana nie sastupaje papularnym u Turkmienistanie anałaham», — zajaviŭ hienieralny dyrektar «Sunhat esery» Eziz Bieknazaraŭ.
Jašče da aficyjnaj prezientacyi dadatak «Bi-Bi» spampavali bolš za 5 tysiač karystalnikaŭ Android.
Sacyjalnaja sietka dazvalaje abmieńvacca imhniennymi paviedamleńniami, fajłami, stvarać publičnyja paviedamleńni, prymacoŭvajučy da ich fota, videa i inšyja fajły. Taksama na sajcie i ŭ dadatku praduhledžany funkcyi dla publikacyi abjaŭ ab kupli-prodažy, jakija ŭbačać nie tolki siabry karystalnika, ale i inšyja naviedvalniki.
Va ŭmovach vykarystańnia sacsietki havorycca, što karystalniku pavinna być nie mienš za 13 hadoŭ. Karystalnik niasie adkaznaść za lubuju infarmacyju, apublikavanuju ź jaho akaŭnta. Jon abaviazvajecca nikoha nie abražać, nie turbavać i nie pahražać inšym karystalnikam. Adznačajecca, što administracyja maje prava spynić akazańnie pasłuh u luby momant biez papiaredniaha paviedamleńnia i tłumačeńnia pryčyn.
Usie papularnyja zamiežnyja sacsietki, takija jak fejsbuk, tvitar, instahram, adnakłaśniki i Ukantakcie, u Turkmienistanie zabłakavanyja. Ludzi, jakija abychodziać błakavańnie i rehistrujucca ŭ zamiežnych sacsietkach, mohuć być vyklikanyja «na razmovu» ŭ śpiecsłužby. Kali ž supracoŭniki śpiecsłužbaŭ vyjaviać łajki i kamientary karystalnika pad krytyčnymi zapisami ab Turkmienistanie, u jaho mohuć uźniknuć surjoznyja niepryjemnaści.
