Biełaruś i Rasija stvorać mižuradavuju pracoŭnuju hrupu pa vypracoŭcy prapanoŭ pa intehracyi i vyrašeńniu pytańniaŭ biełaruska-rasijskaha paradku dnia.
Pra heta raskazaŭ pieršy vice-premjer Rasii Anton Siłuanaŭ, pieradaje BiełTA.
Heta adzinaja aficyjnaja zajava paśla pieramovaŭ.
Anton Siłuanaŭ
«Tolki što prajšła sustreča kiraŭnikoŭ dziaržaŭ Rasii i Biełarusi i, adpaviedna, členaŭ urada, jakija ŭdzielničali ŭ hetaj sustrečy. Zakranaŭsia paradak dvuchbakovych adnosin. U pieršuju čarhu my abmiarkoŭvali źmieny, jakija ŭ nastupnym hodzie buduć adbyvacca ŭ padatkovym zakanadaŭstvie Rasii, i našy płany pa źmienach u halinie padatkaabkładańnia ŭ naftahazavym siektary. Byli abmierkavanyja prablemy i našych sumiesnych dziejańniaŭ u halinie cenaŭtvareńnia na haz, enierharesursy. Damovilisia taksama ab zbližeńni pazicyj pa ŭsich hetych napramkach», — zajaviŭ Anton Siłuanaŭ.
Pavodle jaho słoŭ, była dasiahnutaja damoŭlenaść ab stvareńni rabočaj hrupy, jakaja budzie składacca z pradstaŭnikoŭ uradaŭ.
«Hetaja rabočaja hrupa budzie rychtavać prapanovy pa našaj dalejšaj intehracyi i vyrašeńniu tych nadzionnych pytańniaŭ, jakija turbujuć ŭrady našych krain», — skazaŭ Anton Siłuanaŭ.
