kremlin.ru
Biełaruś i Rasija zblizili pazicyi pa ŭsich pytańniach, Alaksandr Łukašenka i Uładzimir Pucin damovilisia ab novaj sustrečy da Novaha hoda. Pra heta BiełTA zajaviła pres-sakratar kiraŭnika biełaruskaj dziaržavy Natalla Ejsmant.
«Minułyja pieramovy, biezumoŭna, my možam nazvać kanstruktyŭnymi. Prezidenty abmierkavali ŭvieś śpiektr pytańniaŭ našaha ahulnaha paradku dnia. Aceńvajučy ŭ cełym handlova-ekanamičnaje supracoŭnictva, u pieršuju čarhu jak adnaznačna pazityŭny momant byŭ adznačany rost tavaraabarotu. Siarod inšych najbolš aktualnych tem, jakija abmiarkoŭvalisia siońnia, byli i cenaŭtvareńnie na haz, praca biełaruskaha naftapierapracoŭčaha siektara va ŭmovach padatkovaha manieŭru, pastaŭki našych praduktaŭ charčavańnia na rasijski rynak. Jak vynik— pazicyi zbližanyja pa ŭsich pytańniach», — zajaviła pres-sakratar.
Akramia taho, prezidenty, asabliva padčas sustrečy sam-nasam, padvierhnuli surjoznamu analizu damoŭlenaści ŭ ramkach Sajuznaj dziaržavy, ich realizacyju.
«Było adznačana adstavańnie pa niekatorych pazicyjach i abaznačany namier dadzienyja pracesy aktyvizavać (heta tyčycca, naprykład, praviadzieńnia adzinaj uzhodnienaj pramysłovaj palityki i hetak dalej)», — adznačyła Natalla Ejsmant.
«U vyniku kiraŭniki dziaržaŭ damovilisia da Novaha hoda pravieści jašče adnu sustreču dla pryniaćcia rašeńniaŭ, jakija nie cierpiać adkładańnia. U pieršuju čarhu heta źviazana z žadańniem prezidenta Rasii bolš pahłybicca ŭ sutnaść prablem, kab znajści šlachi ich rašeńnia. Data dadzienaj sustrečy budzie ŭzhodniena dadatkova z ulikam hrafikaŭ kiraŭnikoŭ dziaržaŭ», — dadała pres-sakratar.
