Naprykancy 2018 hoda sajt nn.by źviartaŭ uvahu, što adrazu dziasiatak rehijanalnych supołak sacyjalnaj sietki Ukantakcie źmiaścili na svaich staronkach adnolkavyja apytańni, ci padtrymlivajuć ich čytačy ŭstupleńnie Biełarusi ŭ skład Rasii.

Najhoršyja pakazčyki byli ŭ Viciebsku. U miascovych supołkach bolš za 40% respandentaŭ vystupili za abjadnańnie. U Homieli i Barysavie ličby prychilnikaŭ bolš ščylnaj intehracyi taksama byli niemałymi, ale ŭsio ž bolšaść tam vystupała za zachavańnie niezaležnaści.

Absalutnaja bolšaść minčukoŭ i bieraściejcaŭ vystupili za zachavańnie samastojnaści Biełarusi.

Apytańni praciahvajuć pravodzić i ciapier. Litaralna 9 studzienia takoje pytańnie zadała supołka «Lozna». Heta rajonny centr na miažy z Rasijaj u Viciebskaj vobłaści.

Udzieł u apytańni ŭziało ŭsiaho 190 čałaviek, ale 43% vykazalisia za dałučeńnie da Rasii. Prychilnikaŭ niezaležnaści nabrałasia tolki 33%. Jašče 24% adkazali, što im usio adno.

Supołka «Typovy Słonim» dadała da varyjantaŭ adzin vielmi radykalny adkaz dla tych, chto sa zbrojaj u rukach hatovy padtrymlivać dałučeńnie Biełarusi da Rasii. Ahułam takich patencyjnych sieparatystaŭ nabrałasia niekalki dziasiatkaŭ (3%). Za niezaležnaść Biełarusi ŭ słonimskim pabliku vystupiła bolš za 63%. Ahułam prahałasavała 730 čałaviek.

Piaćsot čałaviek prahałasavała ŭ supołcy «Intryhi. Lelčycy». Dźvie traciny vystupili za niezaležnaść našaj krainy, tracina — za dałučeńnie da ŭschodniaj susiedki. Admietna, što va ŭsich hetych apytańniach varyjant dałučeńnia da Rasii idzie akurat pieršym.

U pabliku «Typovy Babrujsk» hałasy raźmierkavalisia nastupnym čynam: 47% za niezaležnaść, 42% — za dałučeńnie. Jašče kala 10% nie zmahła vyznačycca, čaho choča bolš.

Supołka «Rečyca biez cenzury» taksama źmiaściła padobnuju hałasavanku. Amal 49% apytanych vystupili za Biełaruś, 28% - za Rasiju. Nu i jašče vialikaja kolkaść ludziej (23%) vyrašyła nie padtrymlivać ni adzin z varyjantaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?