Aŭtamabil źbiŭ vaśmihadovuju dziaŭčynku ŭ Bresckim rajonie i ŭciok ź miesca DTZ, paviedamlaje DAI UUS abłvykankama.
Darožna-transpartnaje zdareńnie adbyłosia 13 studzienia kala 20.30 na aŭtadarozie R94 Brest-Tamašoŭka ŭ rajonie vioscy Pryłuki.
Pavodle papiaredniaj infarmacyi, hrupa miascovych dziaciej viartałasia z kaladavańnia. Dzieci pierachodzili darohu pa piešachodnym pierachodzie, aśviatlajučy šlach lichtarykam. U hety momant mašyna začapiła vaśmihadovuju dziaŭčynku, jakaja krychu adstała ad svaich siabroŭ.
Kiroŭca źnik ź miesca DTZ. Paciarpiełuju z udarami špitalizavali ŭ Bresckuju dziciačuju abłasnuju balnicu. Jaje žyćciu ničoha nie pahražaje. Dziaržaŭtainśpiekcyja prosić adhuknucca śviedkaŭ zdareńnia i dapamahčy ŭ pošuku kiroŭcy.
Kantaktnyja telefony ŭ Breście: 8 (0162) 41 44 44, 41 16 35 abo 102.