Niezvyčajny kradziež adbyŭsia ŭ Mazyry: aŭto na miescy, zamki nie złamanyja, ale nočču mašyna kalasiła pa horadzie. Razabracca ŭ situacyi dapamahli kamiery videanazirańnia.
Ranicaj mazyrčuk ździviŭsia, pračytaŭšy ŭ miesiendžary atrymanaje siarod nočy paviedamleńnie ad znajomaha taksista: «Kudy kirunak biareš?» Zvanok siabru vyklikaŭ šerah pytańniaŭ: taksist byŭ całkam upeŭnieny, što nie pamyliŭsia i mienavita hetuju mašynu bačyŭ kala hulniavoha kłuba.
Adnak Mercedes-Benz jak i raniej stajaŭ za aknom, dy i ŭsie zamki byli cełyja.
Pryjšłosia źviartacca ŭ milicyju, dzie, darečy, pastavilisia da historyi sa skiepsisam, ale pravierku praviali.
Kamiery videanazirańnia zafiksavali, što mienavita hety aŭtamabil padjazdžaŭ nočču da hulniavoha kłuba. Pravierka naviedvalnikaŭ taksama dała vynik: padazreńnie ŭpała na 20-hadovaha chłopca, jaki pražyvaje ŭ rajonie doma, dzie skrali aŭto.
Akazałasia, što ŭ svaje 20 hadoŭ chłopiec maje kryminalny dośvied. U 2016 hodzie jon skraŭ akumulatar z mašyny, u nastupnym hodzie skraŭ aŭtamabil. Ale, vyzvaliŭšysia ŭ 2018, vyrašyŭ uziać mašynu ŭ časovaje karystańnie.
Zrazumieŭšy, što vykrucicca nie atrymajecca, chłopiec raspavioŭ, jak jamu ŭdałosia zrabić spravu tak, što navat uładalnik aŭto ničoha nie zaŭvažyŭ. Chłopiec pravieryŭ ručku mašyny i vyjaviŭ, što dźviery niezačynienyja. Bolš za toje, staraja madel zaviałasia klučom ad inšaj mašyny. Tamu ništo nie pieraškadžała skarystacca aŭtamabilem, pakul usie śpiać. Adnak vypadkovy śviedka zbłytaŭ usie karty.
Ciapier jon znoŭ paŭstanie pierad sudom. Jamu pahražaje da 6 hadoŭ.
