Prezident Armienii Armen Sarkisian padpisaŭ ukaz ab pryznačeńni Nikoła Pašyniana premjer-ministram krainy. Kandydatura Pašyniana była pradstaŭlena frakcyjaj «Moj krok» (88 miescaŭ u Nacyjanalnym schodzie sa 132).
Pazačarhovyja vybary ŭ Nacyjanalny schod Armienii adbylisia 9 śniežnia 2018 hoda. Pieramohu na ich atrymaŭ aljans «Moj krok» (70,43 adsotka hałasoŭ vybarščykaŭ), lidaram jakoha źjaŭlajecca Nikoł Pašynian. Taksama ŭ parłamient pa vynikach vybaraŭ trapili partyi «Kvitniejučaja Armienija» (atrymała na vybarach 8,26 adsotka hałasoŭ vybarščykaŭ i 26 miescaŭ u parłamiencie) i «Aśviečanaja Armienija» (6,37 adsotka hałasoŭ i 18 miescaŭ).
Nikoł Pašynian raniej zajmaŭ pasadu premjer-ministra Armienii z 8 maja pa 16 kastryčnika 2018 hoda.