Jak tolki dla ŭkrainskich ahraryjaŭ adčyniłasia akno ŭ ES, praź jaho masava palacieła ptuška: za try apošnija hady Ukraina z nula pieratvaryłasia ŭ treciaha pa abjomach pastaŭščyka kurynaha miasa ŭ Jeŭropu, piša «Novoje vriemia».

Za hety čas pastaŭki ŭ ES kurynaha miasa z uschodu vyraśli z absalutnaha nula da 108,5 tysiačy ton u hod.

Ukraina stabilna, užo treci hod zapar, utrymlivaje siomaje miesca ŭ śviecie pa eksparcie ptuški, pra što śviedčać danyja Ministerstva sielskaj haspadarki ZŠA.

A pa pastaŭkach u Jeŭropu ŭkrainskija kurahadoŭcy ŭvohule trecija: ES staŭ dla ich klučavym rynkam.

Pavodle Asacyjacyi Sajuz ptuškahadoŭcaŭ Ukrainy (ASPU), u ahulnaj struktury ekspartu dola Jeŭrasajuza za minuły hod vyrasła roŭna da traciny. Mahło b być i bolš, ale pieraškadžajuć kvoty, jakija Brusiel uvioŭ dla impartu ŭkrainskaj kurycy.

Клас
0
Панылы сорам
0
Ха-ха
0
Ого
0
Сумна
0
Абуральна
0