Katałonskich dziejačaŭ abvinavačvajuć u arhanizacyi paŭstańnia, niezakonnym prysvajeńni dziaržaŭnych srodkaŭ i niepadparadkavańni ŭ ramkach arhanizacyi i praviadzieńnia refierendumu ab niezaležnaści Katałonii ŭ 2017 hodzie, jaki Madryd pryznaŭ niezakonnym.

Prakurory patrabujuć 25 hadoŭ turmy dla lidara Katałonski respublikanskaj levaj partyi Aryoła Žunkierasa, 17 hadoŭ dla lidera Katałonskaj nacyjanalnaj asamblei, jakaja dapamahała rychtavać refierendum, Chordzi Sančesa i jašče troch čałaviek. Vaśmi inšym padsudnym pahražajuć turemnyja terminy da 16 hadoŭ.

Sud projdzie ŭ Madrydzie. Čakajecca, što razhlad spravy pačniecca ŭ aŭtorak, ale aficyjnuju datu nie abviaščajuć zahadzia z-za bojazi vuličnych pratestaŭ.

Abvinavačanyja ŭžo 16 miesiacaŭ znachodziacca za kratami, u kancy minułaha hoda ich pieraviali ŭ turmu niedaloka ad Barsiełony.

«Ja hatovy atrymać praciahły termin turemnaha źniavoleńnia, kali my budziem asudžany, ale ja miarkuju, što nas pryznajuć nievinavatymi», — skazaŭ Sančes u intervju vydańniu.

Heta najbujniejšaja palityčnaja sprava ŭ Ispanii paśla niaŭdałaj zmovy ŭ 1981 hodzie, kali aficery Hramadzianskaj hvardyi šturmavali ispanski parłamient i abstrelvali deputataŭ, jakija hałasavali za abrańnie premjer-ministra. Troje lidaraŭ buntu atrymali tady 30 hadoŭ turmy, jašče 30 čałaviek atrymali mienšyja prysudy.

Клас
Панылы сорам
Ха-ха
Ого
Сумна
Абуральна