Nazyvajecca hety teleprajekt, źniaty i «abkatany» rasijskimi televizijnikami ŭžo letaś, «Muž naprakat».
Siamiejnyja pary, u jakich niezadavolenaść sužencaŭ adno adnym dasiahnuła krytyčnaha pieradrazvodnaha hradusa, sprabujuć usio ž pieraadoleć kryzis stasunkaŭ z dapamohaj psichołaha, dziela čaho kožny na praciahu niekalkich dzion žyvie z novym čałaviekam, jaki ŭvasablaje dla ich biezdakornaść i ideał: naprykład, žančyny «biaruć naprakat» uzornaha siemjanina, aficera ci viadomaha mastaka, mužčyny ž praviarajuć, što takoje žyć pobač ź pierakananaj čajłd-fry albo samadastatkovaj i ŭpeŭnienaj u sabie biznesvumien.
Psichołah i viadučaja prajekta Ina Čudzinava na ŭsich etapach znachodzicca pobač z hierojami i cikavicca, što ich zadavalniaje ŭ pieramienach, a što nie spraŭdžvaje čakańni. Akazvajecca, časta stomlenym ad ułasnaha siamiejnaha ładu ludziam dastatkova, kab ich prosta vysłuchali, nie pierabivajučy… U finale ž kožnamu ŭdzielniku treba ščyra adkazać samomu sabie, ci nasamreč usio tak drenna ŭ ichniaj siamji i ci takija ŭžo idealnyja novyja partniory, — a hledačy ŭbačać, jakija raźbityja kubki jašče možna skleić, i, mabyć, zrobiać peŭnyja vysnovy dla siabie.
