flickr.com
Palicyja Vialikabrytanii viadzie rasśledavańnie ŭ dačynieńni da jašče dvuch rasijanaŭ, jakija padazrajucca ŭ datyčnaści da atručvańnia eks-pałkoŭnika HRU (ciapier HU) Hienštaba Siarhieja Skrypala i jaho dački Julii ŭ horadzie Sołśbiery. Pra heta paviedamlajuć krynicy haziety Daily Mail.
Usiaho pa «spravie Skrypaloŭ» zaraz prachodzić piaciora padazravanych. Miarkujecca, što siłaviki prainfarmujuć brytanski ŭrad pra dokazy suprać dvuch novych atručvalnikaŭ ŭ nastupnyja niekalki tydniaŭ, śćviardžajuć krynicy.
Pa ich słovach, dvoje rasijanaŭ vydavali siabie za turystaŭ, kab atrymać brytanskuju vizu. Paśla napadu ŭ sakaviku 2018 hoda jany viarnulisia ŭ Rasiju. Surazmoŭcy haziety adznačajuć, što rola abodvuch u hetaj apieracyi była «našmat mienš» u paraŭnańni z astatnimi ŭdzielnikami. Akramia taho, novyja padazravanyja pierasoŭvalisia pa brytanskaj terytoryi asobna ad asnoŭnaj hrupy atručvalnikaŭ.
Raniej stała viadoma ab trecim padazravanym u «spravie Skrypaloŭ». Pa dadzienych The Telegraph, havorka idzie pra aficera vajennaj raźviedki Rasii z vydumanym imiem Siarhiej Fiadotaŭ. Śćviardžajecca, što jon prybyŭ u Brytaniju, kab dapamahać Alaksandru Piatrovu i Rusłanu Bašyravu.
