Jak u Litvie robiać cepieliny, jakija pieśni śpiavajuć pry biasiedzie i ci razumiejuć biełaruskuju movu — vyśviatlała prahrama «Viaskoŭcy» telekanała «Biełsat».
Viadoŭca Viktar Šukiełovič zavitaŭ spačatku ŭ Jašuny, dzie paznajomiŭsia z udzielnikami Univiersitetu treciaha vieku. Hieroi prahramy raspaviali pra svaje zacikaŭleńni, hramadskuju aktyŭnaść dy navučyli Viktara rabić tradycyjnuju dla Vilenščynu stravu — cepieliny. U Jašunach žyvuć pieravažna palaki, ale jany śpiavajuć i biełaruskija, i litoŭskija, i polskija pieśni. A što kažuć miascovyja žychary nakont biełaruskaj movy — hladzicie ŭ vydańni.
Nastupnym sieliščam, dzie pabyvaŭ Viktar, stałasia vioska Kasina III na litoŭska-biełaruskim pamiežžy. Tut žyvie kałarytnaja mastačka — pani Teresa, jakaja robić pryhožyja rečy z bytavych adkidaŭ i navat ź jaječnaj škarłupiny. Čamu ŭ dziacinstvie mama pryviazvała jaje viaroŭčynaj da karovy i što mastačka nazyvaje «bomž-stylem» — raspaviadzie vydańnie.
Prahramu «Viaskoŭcy» hladzicie kožnuju sieradu a 18:35 na telekanale «Biełsat» praz spadarožnik «Astra 4A» (raniejšaja nazva «Sirius 4»), anłajn abo ŭ zakładcy «Prahramy» na staroncy telekanała. Abo ŭ Facebook.
