Ihar Łasicki, fota Voli Aficeravaj
Siońnia Minski haradski sud pryznaŭ fihurantaŭ hučnaj spravy vinavatymi ŭ atrymańni chabaraŭ i prysudziŭ namieśnika ministra achovy zdaroŭja Ihara Łasickaha da 6 hadoŭ pazbaŭleńnia voli ŭ kałonii va ŭmovach uzmocnienaha režymu z kanfiskacyjaj majomaści, a hałoŭnaha ŭrača 12-j stamatałahičnaj palikliniki Uładzimira Kraŭčonka — da piaci hadoŭ. Sud taksama vynies pryvatnaje vyznačeńnie ministru achovy zdaroŭja, kab byli «pryniatyja nieadkładnyja miery pa likvidacyi pryčyn ździajśnieńnia złačynstvaŭ». Piša Tut.by.
Za 10 chvilin da pačatku pracesu ŭ zale źjaviŭsia Uładzimir Kraŭčonak, jaki padčas pracesu byŭ pad chatnim aryštam. Ad lubych kamientaroŭ jon admoviŭsia i sieŭ na pieršuju łaŭku. Časta abvinavačanyja, dla jakich napiaredadni prakuror zapatrabavaŭ pazbaŭleńnie voli, prychodziać na sud ź vialikaj sumkaj, u spartyŭnaj vopratcy. Hałoŭny doktar pryjšoŭ u kaściumie i kašuli, u rukach trymaŭ kurtku.
U vyniku Minski haradski sud pryznaŭ fihurantaŭ vinavatymi ŭ atrymańni chabaraŭ i prysudziŭ namieśnik ministra achovy zdaroŭja Ihara Łasickaha da 6 hadoŭ pazbaŭleńnia voli ŭ kałonii va ŭmovach ŭzmocnienaha režymu z kanfiskacyjaj majomaści, Uładzimira Kraŭčonka — da piaci hadoŭ.
Na Uładzimira Kraŭčonka nadzieli kajdanki prosta ŭ zale suda.
Sud pastanaviŭ spahnać z Kraŭčonka ŭ dachod dziaržavy 61 tysiaču rubloŭ, z Łasickaha — 53 tysiač.
Ministru achovy zdaroŭja vyniesiena pryvatnaje vyznačeńnie, kab byli «pryniatyja nieadkładnyja miery pa likvidacyi pryčyn ździajśnieńnia złačynstvaŭ».
Razhlad kryminalnaj spravy ŭ sudzie doŭžyŭsia amal miesiac. U apošnim słovie hałoŭny ŭrač 12-j stamatałahičnaj palikliniki Uładzimir Kraŭčonak prasiŭ nie pazbaŭlać jaho voli, dać mahčymaść zastacca na voli i prynosić karyść ludziam.
Uładzimir Kraŭčonak, fota Voli Aficeravaj
— Majho vypraŭleńnia možna dasiahnuć, nie pazbaŭlajučy mianie voli. Z ulikam vopytu i kvalifikacyi ja pryniasu ludziam bolš karyści na voli. Jość navat prykazka: «adsiečanuju hałavu mieč nie siače». Prašu nie siekčy pakajannuju hałavu, nie pazbaŭlać voli, — źviartaŭsia da suda abvinavačany, jaki znachodziŭsia pad chatnim aryštam da abviaščeńnia prysudu. Jamu navat dazvolili ŭładkavacca ŭ palikliniku zvyčajnym stamatołaham.
Vystupajučy z apošnim słovam, namieśnik ministra achovy zdaroŭja Ihar Łasicki prasiŭ sud ab spahadzie.
— Pa ŭsich epizodach i ŭ poŭnaj miery pryznaju svaju vinu, ni ŭ jakim razie nie asprečvajučy nivodny epizod z materyjałaŭ kryminalnaj spravy. Usie pryznalnyja pakazańni davaŭ samastojna, biez nacisku. (…) Maja dziejnaść była adznačana Nacyjanalnym schodam i prezidentam, — kazaŭ Łasicki.
Pa viersii śledstva, z 2013 pa 2018 hod Kraŭčonak u jakaści chabaru atrymaŭ 10 700 dalaraŭ, 15 tysiač jeŭra i 1500 biełaruskich rubloŭ. Hrošy jon braŭ za zaklučeńnie dahavoraŭ ab zakupcy miedtechniki dla palikliniki i «spryjalnaje rašeńnie pytańniaŭ, jakija ŭvachodziać u jaho kampietencyju». Akazałasia, chabary hałoŭny ŭrač traciŭ na pajezdku z žonkaj u Paryž, udzieł u kanhresie ŭ Barsiełonie, apłatu navučańnia dački ŭ miedycynskim univiersitecie. Namieśnika ministra achovy zdaroŭja Ihara Łasickaha abvinavačvali atrymańnie chabaraŭ na sumu 10 tysiač jeŭra i 13,5 tysiačy dołaraŭ. Hrošy traciŭ na darahoje lačeńnie.
Sudziać namieśnika ministra achovy zdaroŭja Ihara Łasickaha — kolišniaha kalehu Vasila Žarko
