Zdareńnie adbyłosia jašče 10 červienia 2015 hoda. Rabotnica ŽKH znajšła ŭ kantejniery dla śmiećcia pamiž šmatkvaternymi damami pa vulicy Rahuli cieła novanarodžanaha. U toj ža dzień była zaviedziena kryminalnaja sprava pa artykule «zabojstva», adnak znajści padazravanych u 2015 hodzie nie zmahli.
U toj ža čas ekśpiertami-hienietykami Upraŭleńnia kamiteta sudekśpiertyz pry daśledavańni rečyŭnych dokazaŭ byli vydzielenyja hienatyp dziciaci i maci, jakija byli nakiravanyja ŭ bazu dla źvierki i pastanoŭki na ŭlik. Adnak supadzieńniaŭ nie było. Na dačynieńnie da ździejśnienaha złačynstva śpiecyjalistami daśledavanyja bijałahičnyja ŭzory tysiačy žančyn z Baranavičaŭ i rajona.
U nastupnym supracoŭnikami kryminalnaha vyšuku ŭ chodzie raboty pa vyśviatleńni asob, jakija mieli dačynieńnie da rabavańnia, byli ŭziatyja bijałahičnyja ŭzory ŭ 47-hadovaha mužčyny. Jany byli pieradadzienyja ekśpiertam, jakija vyjavili supadzieńnie hienatypu mužčyny z hienatypam zabitaha dziciaci.
Pry praviadzieńni dalejšych śledčych dziejańniaŭ i apieratyŭna-vyšukovych mierapryjemstvaŭ pravaachoŭniki ŭstanavili, što ŭ pieryjad, jaki adpaviadaje dacie śmierci dziciaci, mužčyna žyŭ sumiesna z žančynaj 1981 hoda naradžeńnia.
U vyniku praviadzieńnia ekśpiertnych daśledavańniaŭ było ŭstanoŭlena, što mienavita hetyja žančyna i mužčyna źjaŭlajucca baćkami zabitaha dziciaci. Jany aboje zatrymanyja.