U Litvie, Łatvii i va Ŭkrainie raście zachvorvalnaść na hryp. Ad uskładnieńniaŭ vyklikanych chvarobaj u hetych krainach zahinuli dziasiatki čałaviek, piša radyjo «Svaboda».
U Litvie epidemija abvieščana ŭ 31 samakiravańni ź 60-ci. Uskładnieńni pryviali da śmierci 16 čałaviek. Usie jany nie prachodzili vakcynacyju, piša Delfi.lt.
Kolkaść pamierłych ad uskładnieńniaŭ vyklikanych hrypam u Łatvii vyrasła da 25 čałaviek, paviedamlaje Delfi.lv. Siaredni ŭzrost zahinułych — 66 hadoŭ.
Va Ukrainie kolkaść zahinułych vyrasła da 30 čałaviek. Siarod ich čaćviora dzieci va ŭzroście da 17 hadoŭ. Nivodny z zahinułych nie prachodziŭ vakcynacyju, paviedamlaje Centar hramadzkaha zdaroŭja Ministerstva achovy zdaroŭja Ŭkrainy.
Pa dadzienych Eŭrapiejskaha rehijanalnaha biuro Ŭsiaśvietnaj arhanizacyi zdaroŭja šyroki raspaŭsiud hrypu zafiksavany ŭ 26 krainach Eŭropy.
Samaja składanaja sytuacyja ŭ Francyi, pavodle spravazdačy Santé Publique France, z kastryčnika 2018 hodu ŭ hetaj krainie ad hrypu zahinuli 1100 čałaviek.
U Biełarusi pa dadzienych na 5 lutaha zafiksavana siaredniaja intensiŭnaść zachvorvalnaść na reśpiratarnyja infekcyi.
