Kala vioski Mikałajeva Šumilinskaha rajona zhraja vaŭkoŭ zahryzła vialikaha łasia. Na terytoryi miascovaha lashasa zaraz idzie masavaje palavańnie na drapiežnikaŭ. Jak miarkujecca, u zhrai siem vaŭkoŭ, piša tut.by sa spasyłkaj na «Viciebskija viestki».

U rejdzie ŭdzielničajuć śpiecyjalisty Baroŭskaha palaŭničaj haspadarki i dobraachvotniki ź Viciebskaj i Minskaj abłaściej, raspavioŭ hałoŭny laśničy Šumilinskaha lashasa Dźmitryj Padlaščuk.

Šumilinščyna — adzin z rehijonaŭ vobłaści, dzie vaŭki časta pałochajuć ludziej. Pavodle miascovych palaŭničych, u pačatku zimy tut žyli kala 10 vaŭkoŭ-adzinočak i dźvie zhrai z 6 i 8 drapiežnikaŭ: pieršaja — kala viosak Sirocina i Słabada, druhaja — kala Husincaŭ i Zabarja.

U śniežni palaŭničyja zastrelili adnaho vaŭka sa zhrai, jakaja žyła kala Sirocina i Słabady, a 1 studzienia padčas masavaha rejdu jany zabili jašče 4 drapiežnikaŭ. U abłavie, niahledziačy na ​​navahodnija śviaty, udzielničali amal 50 čałaviek, piša rajonnaja hazieta «Hieroj pracy».

Клас
Панылы сорам
Ха-ха
Ого
Сумна
Абуральна