U amierykanskim horadzie Tajtuśvił, štat Fłaryda, zatrymali siamju viehanaŭ, jakaja maryła hoładam hrudnoje dzicia, paviedamlaje Fox News.

20-hadovaja Džulija Frenč (Julia French) i 31-hadovy Robiert Baski (Robert Buskey) pierastali davać niemaŭlaci rekamiendavany lekaram zamieńnik hrudnoha małaka. Zamiest hetaha jany karmili jaho samarobnaj sumieśsiu na asnovie bulbianoha piure, što nie źmiaščała małaka i inšych praduktaŭ žyviolnaha pachodžańnia.

Piacimiesiačnaje dzicia važyła 3,85 kiłahrama, heta značyć usiaho na 450 hramaŭ bolš, čym paśla naradžeńnia. U jaho byli zapałyja vočy i praśviečvalisia rebry, a tempieratura cieła i cukar u kryvi skakali praź niedajadańnie i abiazvodžvańnie.

Baćki nie zmahli patłumačyć svaje dziejańni. Ich abvinavačvajuć u nievykanańni abaviazkaŭ u adnosinach da dziciaci, pryčynieńni ciažkich cialesnych paškodžańniaŭ i hvałcie.

Клас
0
Панылы сорам
0
Ха-ха
0
Ого
0
Сумна
0
Абуральна
0