Aciaplalny siezon skančajecca. Dniom, u bolšaści vypadkaŭ, nazirajecca stanoŭčaja tempieratura i jaje panižeńnie nočču, pry hetym mahčyma zamiarzańnie sistemy aciapleńnia, jakoje, jak praviła, adbyvajecca kali katły ekspłuatujucca ź pierapynkami abo pry najaŭnaści ŭ nieŭciaplonnych pamiaškańniach adkrytych učastkaŭ trub.
Jak časta davodzicca čuć:
«Heta adbudziecca z kim zaŭhodna, tolki nie sa mnoj»
«Pa vosieni ŭsio pačyścim»
«A ja što, śpiecyjalist pa katłach, ciapło, nu i dobra»
«Uvieś čas było narmalna, čaho tudy leźci?»
Tak, u aciaplalnym pieryjadzie 2018/2019, u žyłych damach pryvatnaha siektara adbylisia vybuchi katłoŭ i uzharańni pamiaškańniaŭ. Asnoŭnaja pryčyna parušeńnie patrabavańniaŭ ekspłuatacyi, a mienavita:
- Adsutnaść vady ŭ sistemie aciapleńnia z-za zakrytaha krana na ŭvachodzie abo na vychadzie z katła.
- Niaspraŭnaść abo adsutnaść kantrolna-vymiaralnych pryboraŭ (achoŭnaha kłapana, manomietra i termomietra).
- Vykarystańnie samarobnych katłoŭ, nie abstalavanych aŭtamatykaj biaśpieki i kantrolna-vymiaralnymi pryborami.
- Zakarkavańnie dymavoj truby.
- Nievykanańnie patrabavańniaŭ pažarnaj biaśpieki.
Pieraličvać pryčyny možna doŭha, ale nieabchodna zrazumieć adno, što z-za nievykanańnia elemientarnych patrabavańniaŭ pa absłuhoŭvańni katła my atrymlivajem, to pra što doŭha škadujem.
Kab paźbiehnuć niepryjemnych zdareńniaŭ u pracesie ekspłuatacyi katłoŭ nieabchodna pastajanna kantralavać ich pracu, najaŭnaść dastatkovaj kolkaści vady ŭ sistemie aciapleńnia i jaje cyrkulacyju, pry nieabchodnaści padsiłkoŭvać sistemu vadoj, pieryjadyčna praviarać spraŭnaść achoŭnych pryład i kantrolna-vymiaralnych pryboraŭ (manomietraŭ, termomietraŭ), stan ciepłavoj izalacyi, abaviazkova źviartać uvahu na zapornuju armaturu.
Nie zabyvajcie, što ekspłuatacyja bytavych vadahrejnych katłoŭ patrabuje ŭvahi. Kab zachavać, žyćcio blizkich, ciapło i ŭtulnaść u domie, nieabchodna vykonvać usie miery biaśpieki.
