Jak piša vydańnie, paśla taho jak Kim Čen Yn admoviŭsia vykanać patrabavańnie, pieramovy pierapynilisia. Tramp vylecieŭ u Vašynhton, a lider KNDR zastaŭsia ŭ Vjetnamie ŭ ramkach dvuchdzionnaha vizitu.

Pa dadzienych haziety, havorka moža iści ab abjekcie pad nazvaj «Kanhson», jaki raźmieščany ŭ pramysłovym horadzie Čchalima za niekalkich kiłamietraŭ ad Pchieńjana. Paviedamlajecca, što amierykanskaja raźviedka ŭstanaviła miesca znachodžańnia pradpryjemstva na asnovie analizu spadarožnikavych zdymkaŭ.

Jak piša Times, u tym, što pryčynaj daterminovaha zaviaršeńnia pieramovaŭ stała mienavita «sakretnaje pradpryjemstva pa ŭzbahačeńni ŭranu», upeŭnieny były namieśnik pasła KNDR u Vialikabrytanii Tche Jon Cho, jaki niekalki hadoŭ tamu źbieh u Sieuł. Pa słovach eks-dypłamata, Tramp u publičnych kamientarach «vielmi staraŭsia» schavać važnaść hetaha zavoda, kab nie pastavić pad pahrozu pierśpiektyvu budučych pieramovaŭ z Paŭnočnaj Karejaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?