Ad 4 sakavika startuje rehistracyja na «Volny zabieh-2019». Heta akcyja, što abjadnoŭvaje biełarusaŭ śvietu z nahody śviatkavańnia BNR-101. Sioleta arhanizatary spadziajucca, što dystancyja, jakuju prabiahuć udzielniki, ahułam pieravysić 1000 km.

Kab uziać udzieł u «Volnym zabiehu», treba zarehistravacca na sajcie runbnr.org, prabiehčy «volnuju dystancyju», da padzialicca ŭ sacyjalnych sietkach fotazdymkam z zabiehu — ź bieł-čyrvona-biełym ściaham, abo hierbam Pahonia i chešteham #belarus101run.

«Nam nie patrebnyja dazvoły i ŭzhadnieńni, kab hetkim čynam adśviatkavać Dzień Voli, śviata našaj svabody. My nie stavim taksama anijakich abmiežavańniaŭ pa dystancyjach ci tempie: chtości moža prabiehčy 300 mietraŭ, a chtości zamachnucca na paŭmarafonskuju dystancyju ci navat bolej, — kaža adzin z arhanizataraŭ Źmicier Jahoraŭ. — My žyviom u roznych krainach, navat na roznych kantynientach, ale nas abjadnoŭvaje praha da svabody i Biełaruś u sercy».

Asnoŭnym dniom zabiehu vyznačanaja niadziela, 24 sakavika —- čakajecca, što mienavita ŭ hety dzień u zabiehu voźmie ŭdzieł bolšaść biehunoŭ. 25 sakavika buduć padviedzienyja vyniki i apublikavanaja infarmacyja pra hieahrafiju i pieraadolenuju dystancyju.

Pieršy «Volny zabieh» adbyŭsia ŭ 2018 hodzie. Jon abjadnaŭ 104 udzielniki z 16 krainaŭ. Ahułam udzielniki zabiehu prabiehli 669 km.

Publičnyja FOTA ŭdzielnikaŭ možna pabačyć na #belarus100run.

Клас
Панылы сорам
Ха-ха
Ого
Сумна
Абуральна