Kampanija New Image Marketing Group atrymała pieršyja dadzienyja apytańniaŭ na vychadzie z vybarčych učastkaŭ na Ukrainie, paviedamlaje ahienctva «RIA Naviny».
Pavodle pieršych dadzienych na 12:00, Uładzimir Zialenski nabiraje 71,8% hałasoŭ vybarščykaŭ, a dziejučy kiraŭnik dziaržavy Piatro Parašenka 28,2% hałasoŭ.
Pavodle infarmacyi NIMG, na poŭdni Ukrainy za Zialenskaha prahałasavali 73,4% hramadzian, za Parašenku — 26,6%; na ŭschodzie - 88,8% i 11,2% adpaviedna; na zachadzie — 55,6% i 44,4%, u centralnaj častcy — 72,9% i 27,1%.
Na svaim sajcie kampanija anansavała, ale nie apublikavała vyniki apytańniaŭ na vychadzie z vybarčych učastkaŭ, bo va Ukrainie dziejničaje embarha na ich publikacyju da 20:00. Adnak patrabavańnie nie raspaŭsiudžvajecca na inšyja krainy. Pryviedzienyja dadzienyja ekzitpołaŭ RIA Naviny atrymała za miežami krainy.
