24 krasavika va Univiersitecie kardynała Stefana Vyšynskaha ŭ Varšavie (Polšča) adbyłasia abarona doktarskaj dysiertacyi ks. Siarhieja Surynoviča, jaki niasie słužeńnie probašča ŭ parafii ŭ Drui, paviedamlaje catholic.by
Abaronienaja praca była napisana na kafiedry ekziehietyki Novaha Zapavietu teałahičnaha fakultetu Instytuta biblijnych navuk na temu: «Pryncypy ŭtvareńnia antraponimaŭ i taponimaŭ u pierakładach Novaha Zapavietu na sučasnuju biełaruskuju movu».
Abaronie doktarskaj pracy papiaredničała napisańnie navukovaj dysiertacyi, daśledavańni i praca nad jakoj praciahvalisia na praciahu piaci hadoŭ. U pracesie abarony adbyŭsia kamisijny ekzamien pa śpiecyjalnaści biblijnaja teałohija. Heta navuka, što ŭ sukupnaści ź biblijnaj intradukcyjaj i biblijnaj ekziehetykaj składaje i stvaraje dyscyplinu pad ahulnaj nazvaj biblistyka.
U svaich navukovych daśledavańniach ks. Siarhiej Surynovič, kirujučysia histaryčna-krytyčnym mietadam, analizuje antraponimy i taponimy siemickaha, hreckaha i łacinskaha pachodžańnia ŭ pierakładach Novaha Zapavietu na sučasnuju biełaruskuju movu, zroblenych u 1914—2017 hadach.
Doktarskaja dysiertacyja ks. Siarhieja Surynoviča, napisanaja pad navukovym kiraŭnictvam prafiesara-biblista ks. Januša Krecidły, źjaŭlajecca pieršaj i navatarskaj sprobaj navukovaha analizu aznačanaj temy i achoplivaje ŭsie pierakłady Novaha Zapavietu na sučasnuju biełaruskuju movu.
Siarhiej Surynovič naradziŭsia 13 krasavika 1976 h. u Łuhamavičach Iviejskaha rajona ŭ siamji nastaŭnika. Vučyŭsia ŭ duchoŭnych sieminaryjach u Hrodnie i Sankt-Pieciarburhu. Słužyŭ u roznych parafijach u Rasii, paśla viartańnia ŭ Biełaruś byŭ probaščam u Viciebsku i parafii ŭ Słabodcy (Brasłaŭski dekanat). Ciapier słužyć u parafii Najśviaciejšaj Trojcy u Drui.
