Suprać lidara vieniesuelskaj apazicyi Chuana Huajdo i 70 čałaviek u vajskovaj formie, jakija znachodzilisia razam ź im, byŭ užyty ślozaciečny haz, paviedamlaje Reuters sa spasyłkaj na vidavočcaŭ ź miesca padziej.

Pavodle infarmacyi ahienctva, heta adbyvajecca kala avijabazy Ła-Karłota ŭ stalicy Vieniesueły Karakasie. Pra toje, što tam sabrałasia hrupa paŭstancaŭ-vajskoŭcaŭ, raniej paviedamiŭ ministr infarmacyi Vieniesueły Chorchie Radryhies. Pavodle jaho słoŭ, ułady robiać kroki pa padaŭleńni sproby pieravarotu.

Staršynia Nacyjanalnaj kanstytucyjnaj asamblei krainy Dyjasdada Kabieljo taksama zajaviŭ, što apazicyja nie zmahła atrymać dostup da avijabazy ŭ Karakasie, pieradaje Reuters. U Minabarony Vieniesueły paćvierdzili addanaść armii dziejučaj uładzie.

30 krasavika Huajdo ŭ videazvarocie, zapisanym u atačeńni ludziej u vajskovaj formie, zaklikaŭ vajskoŭcaŭ da paŭstańnia i źviaržeńnia prezidenta Nikałasa Madury. Palityk zajaviŭ, što vojska ŭstała na jaho bok, i nazvaŭ toje, što adbyvajecca, finalnaj fazaj apieracyi «Svaboda».

Razam z Huajdo na videa źjaviŭsia ŭpłyvovy apazicyjanier Leapolda Łopies, jaki znachodziŭsia pad aryštam. Jon śćviardžaje, što z-pad varty jaho vyzvalili vajskoŭcy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?