Nacyjanalny saviet Aŭstryi prahałasavaŭ za ŭviadzieńnie zakona, jaki zabaraniaje nasić chidžab u pačatkovych škołach, paviedamlajecca na sajcie parłamienta.
Zabarona raspaŭsiudžvajecca tolki na hałaŭnyja ŭbory, całkam zakryvajuć vałasy abo bolšuju ich častku, akramia tych, što abaraniajuć ad nadvorja, a taksama miedycynskich paviazak.
Jaŭrejskija kipy i čałmy, jakija nosiać sikchi, adznačyli parłamientaryi, nie traplajuć pad vyznačeńnie.
Zakon padtrymali kansiervatyŭnaja Aŭstryjskaja narodnaja partyja i ŭltrapravaja Aŭstryjskaja partyja svabody, jakija ŭvachodziać va ŭrad. Za jaho taksama hałasavali dva členy partyi NOW, jakaja prytrymlivajecca levych pohladaŭ.
