Fota Voli Aficeravaj
Ministerstva zamiežnych spraŭ Biełarusi ŭpeŭniena ŭ nieabchodnaści admovy ad kontrpraduktyŭnaj dylemy pamiž Uschodam i Zachadam, piša BiełTA.
«My ŭpeŭnienyja ŭ tym, što admova ad kontrpraduktyŭnaj dylemy «z Uschodam ci z Zachadam» źjaŭlajecca układam u budučuju nieabchodnuju i, ja spadziajusia, niepaźbiežnuju narmalizacyju adnosin u Jeŭrapiejskim rehijonie abo, chutčej, u rehijonie ABSIE», — zajaviŭ namieśnik kiraŭnika MZS Aleh Kraŭčanka.
«Kali hladzieć na situacyju ź Biełarusi, u jakaści ryzyki ujaŭlajecca mienavita kanfrantacyja, jakaja praciahvajecca i ŭzmacniajecca. Abmien abvinavačvańniami ŭ tym, što pryčyna ciapierašniaj niebiaśpiečnaj situacyi — u dziejańniach inšaha boku, na naš pohlad, nie pryviadzie ni da čoha, baki nikoli nie zmohuć damovicca», - dadaŭ jon.
Kraŭčanka ličyć, što pryčynami hetaj kanfrantacyi źjaŭlajecca strata davieru pamiž lidarami krain. Na dumku dypłamata, dla jaho pieraadoleńnia nieabchodna sistema ŭzajemnaha «sihnalizavańnia ab adsutnaści pahrozy». Akramia taho, zaniepakojenaść biełaruskaha MZS vyklikaje parušeńnie sistemy mižnarodnych damoŭlenaściej i ŭzhodnienych pravił.
