Paśla prezidenckich vybaraŭ praces pierachodu parafij u Pravasłaŭnuju carkvu Ukrainy prypyniŭsia, zajaviŭ mitrapalit Kijeŭski i ŭsiaje Ukrainy Jepifanij.
«Sapraŭdy praces pierachodu parafij krychu prypyniŭsia, ale ja vieru, što z časam heta znoŭ budzie adnoŭlena», — skazaŭ jon u intervju VVS Ukrajina.
Mitrapalit Jepifanij dadaŭ, što jość šmat parafij, jakija čakajuć, vyznačajucca, i buduć pierachodzić u PCU pastupova.
Jon taksama raspavioŭ pra razmovu z novaabranym prezidentam Uładzimiram Zialenskim.
«U mianie skłałasia stanoŭčaje ŭražańnie, što i ŭ budučyni dziaržava nie budzie ŭmiešvacca va ŭnutranyja spravy carkvy. I my budziem razam, padtrymlivajučy adzin adnaho, budavać ukrainskuju dziaržavu, dzie budzie zaćviardžacca i pamiesnaja Ukrainskaja pravasłaŭnaja carkva», — reziumavaŭ Jepifanij.
