Kupić tytuniovyja vyraby ŭ bujnych kramach, paviljonach možna budzie tolki ŭ śpiecyjalnych adździełach, pieradaje karespandent ahienctva «Minsk-Novosti».
Pra heta paviedamiŭ 16 maja ministr antymanapolnaha rehulavańnia i handlu Biełarusi Uładzimir Kałtovič na pasiadžeńni šostaj siesii Pałaty pradstaŭnikoŭ, pradstaŭlajučy deputatam prajekt pastanovy tak zvanaha antytytuniovaha dekreta.
Siarod asnoŭnych novaŭviadzieńniaŭ — uviadzieńnie zabarony na vykarystańnie na šyldach handlovych abjektaŭ słoŭ, tojesnych abo padobnych z najmieńniem vidaŭ tytuniovych vyrabaŭ.
Akramia taho, z 1 studzienia 2020 hoda prodaž cyharet, sistem spažyvańnia tytuniu, elektronnych sistem kureńnia i vadkaściaŭ u kramach i paviljonach z handlovaj płoščaj bolš za 1 000 kvadratnych mietraŭ budzie dazvolena tolki ŭ śpiecyjalizavanych tavarnych adździełach, — udakładniŭ Kałtovič. — A z 1 studzienia 2022-ha ŭvodzicca zabarona na vykarystańnie abstalavańnia dla zachoŭvańnia cyharet, jakoje raźmiaščajecca nad kasami.
