U Horkach adklučyli haračuju vadu. Niekatorym kacielniam treba ŭsiaho niekalki dzion dla płanavaj prafiłaktyki. U žyłych damach akademharadka i ŭ rajonie čyhunačnaha vakzała haračaj vady nie budzie z 27 pa 30 maja. A voś centralnaj kacielni ŭ suviazi z praviadzieńniem płanava-prafiłaktyčnych i ramontnych rabot na ciepłavych sietkach patrebny bolš praciahły pieryjad — z 27 maja pa 26 lipienia, paviedamlaje horki.info.
Fota: pixabay.com.
Čytačy i padpisčyki cikaviacca, čamu asnoŭnaja kacielnia horada spyniaje padaču haračaj vady na taki doŭhi termin (amal dva miesiacy!).
— Na ciepłatrasie mianiajuć truby, tamu centralnaja kacielnia nie budzie padavać vadu tak doŭha. Žycharam rajonaŭ Kalinina, Vakzalnaj, Budaŭnikoŭ, centra horada treba nabracca ciarpieńnia i pačakać, — adkazała śpiecyjalist słužby 115.
