Dziaržaŭny departamient ZŠA z hetaha času patrabuje ad ludziej, jakija padajuć na vizu, pakazvać svaje danyja dla identyfikacyi ŭ sacyjalnych sietkach, a taksama papiarednija adrasy elektronnaj pošty i numary telefonaŭ, paviedamlaje Associated Press.
U novych błankach dla padačy na vizu zajaŭnik pavinien napisać infarmacyju pra najaŭnaść akaŭntaŭ u sacsietkach za apošnija piać hadoŭ. Taksama ŭ zajaŭnika pytajucca pra jaho telefonnyja numary, jakija vykarystoŭvalisia za apošnija piać hadoŭ, adrasy elektronnaj pošty, status mižnarodnych pajezdak, vypadki departacyi i pra toje, ci byli členy siamji ŭciahnutyja ŭ terarystyčnuju dziejnaść.
Raniej spasyłki na staronki ŭ sacyjalnych sietkach, adrasy elektronnaj pošty i numary telefonaŭ zapytvalisia tolki ŭ zajaŭnikaŭ, jakich dadatkova praviarali — naprykład, u tych, chto jeździŭ u rajony, kantralavanyja terarystyčnymi arhanizacyjami. Novyja praviły buduć tyčycca praktyčna ŭsich ludziej, jakija padajuć na vizy, — vyzvalajucca tolki zajaŭniki, jakija žadajuć atrymać peŭnyja typy dypłamatyčnych i aficyjnych viz.