Rasija moža sutyknucca z mahčymym adchileńniem ad Alimpijskich hulniaŭ 2020 hoda ŭ Tokia na fonie novaha dopinhavaha skandału. Pra heta paviedamlaje ŭ niadzielu The Sunday Times sa spasyłkaj na svaje krynicy.
Havorka idzie pra situacyju z abvinavačvańniami ŭ adras skakuna ŭ vyšyniu Daniły Łysienki. Jaho zapadozryli ŭ davańni iłžyvych pakazańniaŭ pa spravie ab propusku dopinh-testaŭ. Prapuściŭšy niekalki dopinh-testaŭ letaś, spartsmien pakazaŭ padroblenyja dakumienty, zhodna ź jakimi byŭ chvory i nie moh źjavicca na pravierki.
Krynicy vydańnia, znajomyja z chodam rasśledavańnia hetaj spravy, paviedamili, što adras kliniki, jakaja vydała daviedku, byŭ lipavym. Pa hetym adrasie, śćviardžajuć jany, znachodzicca razburany budynak.
Padazreńni padajuć i na pradstaŭnikoŭ Fiederacyi lohkaj atletyki Rasii, jakija mahli takim čynam naŭmysna zamaskiravać dopinhavyja parušeńni Łysienki, kab paźbiehnuć pravierak i dapamahčy jamu vyjhrać «zołata» na budučaj Alimpijadzie.
Krynica haziety ŭpeŭniena, što, kali abvinavačvańni buduć dakazanyja, rasijskich spartsmienaŭ adchilać ad Alimpijady ŭ Tokia.
