Prezident ZŠA Donald Tramp u intervju The Sunday Times paraiŭ Vialikabrytanii vyjści ź Jeŭrapiejskaha Sajuza biez pahadnieńnia, kali Brusiel nie vykanaje ŭmoŭ Łondana.
«Kali jany nie atrymajuć taho, što chočuć, ja b syšoŭ. Tak, ja b syšoŭ. Kali vy nie atrymlivajecie patrebnuju ździełku, kali vy nie atrymlivajecie spraviadlivuju ździełku, tady vy sychodzicie», — skazaŭ Tramp.
Prezident ZŠA śćviardžaje, što Brytanija pavinna admovicca ad vypłaty Brusielu 39 młrd funtaŭ sterlinhaŭ za vychad ź ES, kali nie atrymaje vykanańnia svaich umoŭ.
«Kali b ja byŭ na ich miescy, ja b nie zapłaciŭ 50 młrd dalaraŭ. Heta vialikaja suma. Ja b nie zapłaciŭ 50 młrd dalaraŭ. Heta ja. Ja b nie zapłaciŭ — heta vielizarnaja suma», — dadaŭ jon.
0
0
0
0
0
0
