Pajezdka pjanaj kampanii na motabłoku skončyłasia śmierciu žančyny, raspačata kryminalnaja sprava, paviedamlaje MUS.
Trahiedyja zdaryłasia 1 červienia pad Rečycaj. Pjanyja mužčyny i žančyna ź vioski Biełaje Bałota vyrašyli adpravicca na voziera, ale iści pieššu nie chacieli i adpravilisia tudy na motabłoku. Pa darozie da vadajoma technika nieadnarazova pierakulvałasia. Ludzi padali na ziamlu, atrymlivali traŭmy.
Pozna ŭviečary niećviarozyja sabutelniki viartalisia dadomu ŭžo pieššu (u ich skončyŭsia bienzin), kaciŭšy pry hetym motabłok. Kali apošni ŭžo byŭ pryparkavany, adnaviaskoŭcy razyšlisia. Praź niekalki dziasiatkaŭ mietraŭ 49-hadovaja žančyna, jakaja atrymała traŭmy, pačała padać. Sužyciel sprabavaŭ padniać jaje, ale ŭ vyniku kinuŭ na abočynie. Kala piataj hadziny ranicy minak znajšoŭ cieła i paviedamiŭ u milicyju.
Suprać 36-hadovaha sužyciela i 42-hadovaha znajomaha žančyny zaviali kryminalnuju spravu pa č.3 art.159 KK Biełarusi (pakidańnie ŭ niebiaśpiecy). Im pahražaje da 3 hadoŭ pazbaŭleńnia voli sa štrafam.
