Štraf u pamiery 100 bazavych vieličyń (2 550 rubloŭ) pryznačyŭ sud Maskoŭskaha rajona minčuku, jaki nie javiŭsia pa poźvie na vajennyja zbory, pieradaje «Minsk-Naviny».
Adkrytaje vyjaznoje pasiadžeńnie suda adbyłosia ŭ vajskovym kamisaryjacie Maskoŭskaha rajona. 44-hadovaha vajennaabaviazanaha vyklikali ŭ vajenkamat 21 sakavika 2018 hoda dla adpraŭki na vajennyja zbory. Adnak u pryznačany dzień małodšy siaržant zapasu nie prybyŭ na miesca pryznačeńnia. Pavažnych pryčyn dla hetaha nie było.
Svaju vinu vajennaabaviazany pryznaŭ i paprasiŭ stroha jaho nie karać, pakolki ŭ jaho ciažkaje materyjalnaje stanovišča i na ŭtrymańni niepaŭnaletniaja dačka.
U vyniku sud pryznačyŭ štraf u pamiery 100 bazavych (2 550 rubloŭ).
0
0
0
0
0
0