Prezident Ukrainy Uładzimir Zialenski ŭ videazvarocie padziakavaŭ Viarchoŭnaj Radzie za toje, što svaim biaździejańniem jana dakazvaje, što jaho rašeńnie raspuścić parłamient było pravilnym.
«Prezident pavinien być abjektyŭnym, tamu, kali jość za što, treba chvalić. Ja chaču pachvalić i ad usioj dušy skazać našaj Viarchoŭnaj Radzie «Vialiki dziakuj»… Dziakuj, što svajoj «plonnaj pracaj» dakazvajecie ŭsioj krainie — rašeńnie ab rospusku Rady było pravilnym», — skazaŭ jon.
Pa słovach Zialenskaha, paśla rospusku parłamienta ŭ jaho byli sumnievy, ci nie pamyliŭsia jon z hetym rašeńniem. Adnak za apošnija dni Rada svaimi dziejańniami jaho supakoiła.
«Deputaty pakinuli mažarytarku, pakinuli niedatykalnaść, pakinuli starych ministraŭ, pakinuli starych siłavikoŭ na pasadach, pakinuli mahčymaść nie adkazvać za niezakonnaje ŭzbahačeńnie. Jak šmat jany pakinuli nastupnym pakaleńniam, svaim dzieciam i ŭnukam», — aburajecca prezident.
Jon taksama padziakavaŭ za toje, što Rada nie sprabuje spadabacca vybarcam: «Zastajaciesia saboj — praciahvajecie prahulvać».
«Dziakuj, što nie spyniajeciesia i praciahvajecie prabivać dno», — praciahvaje Zialenski.
