ZŠA dali Turcyi čas da kanca lipienia na toje, kab admovicca ad kupli rasijskich zienitna-rakietnych kompleksaŭ S-400, jakija «niesumiaščalnyja» z nabyćciom amierykanskich źniščalnikaŭ piataha pakaleńnia F-35, pieradaje AFP.
Da 31 lipienia Vašynhton vyklučyć Ankaru z prahramy F-35 u suviazi z rašeńniem chaŭruśnika pa NATA praciahnuć zakupku rasijskich S-400.
Pa słovach kiraŭnika Pientahona, u Turcyi jašče jość čas źmianić kurs adnosna rakietnaj sistemy S-400.
Kali da 31 maja Turcyja nie admovicca ad sistemy S-400, navučańnie tureckich piłotaŭ u Złučanych Štatach na samalotach F-35 budzie niemahčymym, a kantrakty z tureckimi firmami, jakija ŭdzielničajuć u vytvorčaści F-35, buduć admienienyja.
Tureckija kampanii, jakija vyrablajuć 937 roznych častak F-35, nie atrymajuć nijakich dadatkovych zakazaŭ, a ich roli buduć pieradadzieny inšym firmam.
