Zatrymany staršynia praŭleńnia Mahiloŭskaha abłspažyŭsajuza Siarhiej Šurkała, paviedamili Tut.by krynicy. Kiraŭnika padazrajuć u pieravyšeńni słužbovych paŭnamoctvaŭ i prysvajeńni majomaści.
Fota z sajta pniva.by.
Pa słovach surazmoŭcaŭ partała, Siarhieja Šurkału zatrymali na hetym tydni. Na pracy jaho niama ŭžo niekalki dzion, a vykonvajučym abaviazki staršyni praŭleńnia Mahiloŭskaha abłspažyŭsajuza pryznačany namieśnik Šurkały. Spravu viadzie KDB, paviedamlajuć krynicy.
Atrymać apieratyŭny kamientar u Kamitecie dziaržbiaśpieki nie ŭdałosia.
U vobłaści Siarhieja Šurkału charaktaryzujuć jak prafiesijnaha kiraŭnika, dziakujučy jakomu Mahiloŭski abłspažyŭsajuz zajmaje lidzirujučyja pazicyi ŭ Biełkaapsajuzie.
Biełkaapsajuz — bujny apieratar handlu, jaho sietka naličvaje zvyš vaśmi tysiač handlovych abjektaŭ i 700 aŭtamahazinaŭ.
