Zatrymanaha karespandenta «Mieduzy» Ivana Hałunova daktary chutkaj dapamohi nakiravali na abśledavańnie ŭ balnicu.
Lekar chutkaj dapamohi, jaki ahledzieŭ rasijskaha žurnalista, dyjahnastavaŭ u jaho strasieńnie mazhoŭ, hiematomu i padazreńnie na pierałom rebraŭ.
Raniej Hałunoŭ paviedamlaŭ, što jaho pabili paśla zatrymańnia, udaryli pa hałavie i praciahnuli pa padłozie. Adzin z palicejskich nacisnuŭ jamu nahoj na hrudzi.
Žurnalist Mieduzy Ivan Hałunoŭ byŭ zatrymany 6 červienia. Pavodle palicyi, pry dahladzie ŭ jaho znajšli kala čatyroch hramaŭ narkatyčnaha srodku, taksama narkotyki byli znojdzienyja padčas vobysku ŭ jaho kvatery. Jon zajaviŭ pra svaju nievinavataść. Kalektyŭ Mieduzy paviedamiŭ, što žurnalist atrymlivaŭ pahrozy padčas pracy nad novym artykułam. Jon taksama viadomy rasśledavańniami dziaržzakupak, pachavalnaha biznesu, «čornych kredytoraŭ».
