Telehram-kanał Nexta paviedamiŭ 10 červienia, što ŭ Minsku znajšli paviešanym 45-hadovaha supracoŭnika kryminalnaha vyšuku Leninskaha RUUS Andreja M. U Śledčym kamitecie Radyjo Svaboda infarmacyju pakul nie paćvierdzili, abiacali adkazać paźniej.
Znajomy M., pamočnik deputatki Hanny Kanapackaj Dzianis Cichanienka, jaki vučyŭsia razam z pamierłym u škole i rehularna kantaktavaŭ paśla, kaža Svabodzie, što sumniajecca ŭ viersii suicydu.
«Jon byŭ z tych milicyjantaŭ, jakich možna nazvać ščyrymi i pravilnymi, — raskazvaje Cichanienka. — Jon zajmaŭsia asabliva važnymi spravami, nie mieŭ nijakaha błatu nikoli. Zastaŭsia rana biez baćki, zaŭsiody chacieŭ słužyć u milicyi. Prajšoŭ słužbu ŭ armii, u PDV, skončyŭ škołu milicyi — i ad samaha šarahovaha supracoŭnika prajšoŭ, pracavaŭ sa złačyncami pa spravach zabojstvaŭ.
Jamu litaralna ŭ hetym hodzie 45, treba było na piensiju vychodzić. My ŭ šoku ŭsie sami, bo jon nia schilny da samahubstva byŭ absalutna, «sa stryžniem», z charaktaram».
