Fota Nadziei Bužan

Fota Nadziei Bužan

Rasija budzie płacić piensii pracoŭnym mihrantam z krain JEAES, u tym liku i ŭ Biełarusi, heta praduhledžvaje pahadnieńnie ab piensijnym zabieśpiačeńni ŭ sajuzie, jakoje rychtujecca da padpisańnia. Zaraz mihranty robiać adličeńni ŭ Piensijny fond, ale piensij nie atrymlivajuć, piša RBK.

Pahadnieńnie ab piensijnym zabieśpiačeńni pamiž krainami Jeŭrazijskaj ekanamičnaj sajuza (JEAES) praduhledžvaje, što kraina, u jakoj mihrant pracavaŭ i rabiŭ adličeńni ŭ Piensijny fond, budzie vypłačvać jamu piensiju i pa jaho viartańni na radzimu. Prajekt pahadnieńnia byŭ raźmieščany Jeŭrazijskaj ekanamičnaj kamisijaj jašče ŭ sakaviku, a ŭ siaredzinie maja Minpracy Rasii nakiravaŭ na razhlad Ekśpiertnaha savieta pry ŭradzie adpaviedny pakiet dakumientaŭ, paprasiŭšy ŭzhadnić ich «u maksimalna karotki termin», vynikaje ź lista Minpracy,.

«Płanujecca, što pahadnieńnie budzie padpisana vosieńniu i ratyfikavana ŭsimi dziaržavami — členami JEAES da kanca hoda», - adkazali ŭ Minpracy. U JEAES ŭvachodziać Rasija, Biełaruś, Kazachstan, Armienija i Kyrhyzstan.

Клас
0
Панылы сорам
0
Ха-ха
0
Ого
0
Сумна
0
Абуральна
0