Dniom 23 červienia na płoščy Lenina ŭ Breście prajšło tradycyjnaje karmleńnie hałuboŭ u znak pratestu suprać budaŭnictva pad Brestam akumulatarnaha zavoda, paviedamlaje Bresckaja hazieta.
Za hadzinu da pačatku karmleńnia ŭ DK prafsajuzaŭ pačałasia raniej anansavanaja sustreča staršyni Bresckaha abłasnoha kamiteta pryrodnych resursaŭ i achovy navakolnaha asiarodździa Alaksandra Haroški z nasielnictvam. Maderataram na joj vystupiŭ staršynia Bresckaha harvykankama Alaksandr Rahačuk.
Adnak praciŭniki budaŭnictva pad Brestam akumulatarnaha zavoda na hetuju sustreču nie pajšli. Jany ŭpeŭnienyja — sustreča z Alaksandram Haroškam śpiecyjalna była pryznačanaja na 11 ranicy niadzieli, kab ludzi pajšli ŭ DK prafsajuzaŭ i nie vyjšli na płošču. Bolš za toje, pa słovach aktyvistaŭ, siońnia ŭ 12.40 Alaksandr Rahačuk pavinien byŭ sustrecca ź imi ŭ aktavaj zale abłsavietu Fiederacyi prafsajuzaŭ pobač z płoščaj. Adnak ranicaj akazałasia, što kiraŭnik Bresta ŭsio ž budzie na sustrečy ŭ DK.
Ludzi nie źmianili farmat pratestu — pakarmili hałuboŭ na płoščy i prajšlisia pa centralnych vulicach Bresta.
