Navat repiery ciapier śpiavajuć, što nie treba spuskać hrošy na załatyja cacki, bo heta depreciable assets. Inviestycyja — heta toje, što pracuje. Što nie pracuje — heta stuff, barachło.
1) Mašyna. Heta dobraja inviestycyja, kali vy joj karystajeciesia štodnia (vydatki na vałodańnie < vydatki na arendu/takci) ci karystajeciesia joj dla zarobku sami. Nu, jašče višańka, kali heta collectible — vy nabyli niejkuju redkuju mašynu, praz 20 hod jana budzie ŭ 5 razoŭ daražejšaja.
Dla bolšasci haradskich žycharoŭ mašyna, kali novaja dy jašče ŭ kredyt, — heta najhoršaja inviestycyja. Na joj jany straciać nia mienš za pałovu vartasci. Ale mo samaadčuvańnie, što ŭ mianie jość mašyna, heta kampiensuje.
2) Žytło. Tut bolš cikava. Kali heta vašaje siamiejnaje hniezdo i vy jak kot adčuvajecie, što voś jano, — dyk nabyvajcie. Ale inviestycyja… hm… Lepiej u krainie z žorstkaj abaronaju pravoŭ. Kali dom — freehold na ziamlu. Kali kvatera — condominium corporation… Ci čystaja śpiekulacyja na rynku, dzie ŭsio raście, nasielnictva maładoje dy kvater nie chapaje (u Azii — na pravach rekłamy).
U tajožnym saŭku chto ŭkładaŭsia pierad Krymam — stracili pałovu vartasci dy nikoli nie viernuć. Vitajem, asablivy šlach. Da taho ž, panelki tyja… Hm, adklučać rajon na zimu, usio — kapiec vašaj inviestycyi, kapramont. A praz 30—40 hadoŭ razvalvacca pačynajuć. Niekatoryja i raniej.
Ciapier u Maskvie nabudavali jak kitajcy va Unutranaj Manholii — možna tyja kvatery błokami kuplać, sa skidkami da 25%. Adrazu ŭ poštu pišuć — 20 kvater tut, 15 kvater tam.
U Minsku taksama pačynajecca nasyčeńnie, ale prydvornaja manapalizacyja jaho krychu strymlivaje.
Rynak trymaŭsia na niahiehłaj inviestycyjnaj stratehii — nabyć pa lhotnych cenach, pradać pa svabodnych.
Biez mihracyi adno nie budzie kamu ich pierapradavać: biełarusy starejuć, jak šviedy, ale da nas amal nichto nie jedzie. 30-hadovyja rajony — užo zamšełyja hieta, małacikavyja jak inviestycyi. Tyja ž azierbajdžancy dy ruskija taksama niešta novym damam addajuć pieravahu. Kab parkoŭka była dy ŭ kalidory možna było razminucca.
Bo prablema toje, što tyčycca ŭ nas usiaho — ad damoŭ da balnic, ad daroh da pałacaŭ… Pabudavać pabudujuć, u pazałotu navat zakatajuć, ale maintenance — absłuhoŭvańnie, paradačak hety samy znakamity, tolki na subotnikach pierad 9 maja. Tamu ŭsio zaniepadaje šparčej, čym u krainach, dzie džunhli dy śpioka.
Damy, što budavalisia 15—20 hadoŭ tamu ŭ Minsku, vyhladajuć hetak ža žurbotna, jak damy 30—40 hadoŭ. Navat «ylitnyja» — u jakich z ylitnasci budka dy šłahbaum.
3) Stuff. Ja čałaviek staramodny. Dla mianie nie prablema padarožničać z 4—5—6 čumadanami. Mahu i paŭdoma z saboju pieraviezci na novaje miesca.Ale dla bolšasci heta prablema — pierapłačvać za bahaž, najmać nasilščykaŭ dy h.d. Tamu realna treba aceńvać, kolki rečaŭ (chiba ŭ kh ci m3 na pakoj/napramak aktyŭnasci) vam treba. Z taho ludzi, što žyvuć aktyŭna ŭ prastory, ciahajuć z saboj mienš. U ideale, bijamietryčny dostup da rachunku — heta ŭsio, što vam treba. Astatniaje, možna nabyć, uziać u arendu, čałavieka vyklikać. Čałaviekaŭ na ziamli 7 miljardaŭ, i vytvorčaść spyniajecca tolki ŭ pałovie krain. Ekanomika i budujecca z taho, što jak maha šmat ludziej u jaje ŭklučany. Tamu nie žłobciesia davać na čaj dy najmać ludziej. Vam heta vierniecca, praz košt vašych inviestycyj.
