Inicyjatyva gavarun.by płanuje pierakłaści i ahučyć pa-biełarusku 48 sieryj viadomaha brytanskaha multsieryjała Chamf (usiaho vypuščana 78 sieryj). Ciapier idzie zbor srodkaŭ na pracu prafiesijnaj kamandy na kraŭdfandynhavaj placoŭcy «Vulej».
Chamf — heta miłaje puchnataje małoje, što žyvie razam sa svaimi mamaj i tatam. Jon vielmi dapytlivy, pastajanna imkniecca daviedacca niešta novaje i daśledavać śviet vakoł siabie.
Lepš za ŭsio pra hety multsieryjał raskaža piłotnaja sieryja, viadoma ž, pa-biełarusku!
Asablivaści prajekta:
- Biaspłatny lehalny prahlad!
Łakalizavanyja pa-biełarusku sieryi buduć vykładvacca na jutub-kanale studyi Gavarun.by. Pravaŭładalnik, Kidz Clips, dazvalaje vykarystoŭvać na jutubie hetyja videa, takim čynam, pahladzieć multfilm možna budzie lehalna i biez terytaryjalnych abmiežavańniaŭ.
- Dobry, jaskravy i paznavalny multsieryjał 3+
Multfilm zacikavić dzietak uzrostam užo ad troch hadoŭ, jon nastolki začaroŭvaje, što navat darosłyja pry prahladzie pačynajuć padśviadoma ŭśmichacca.
- Try novyja sieryi štotydzień!
Sapraŭdy, my płanujem vykładvać kožny tydzień pa try novyja sieryi, naprykład u paniadziełak, sieradu i piatnicu!
- Jakasnaja šmathałoska ad Gavarun.by!
Biełaruskamoŭnaja viersija stvarajecca pa praviłach zakadravaha šmathałosaha ahučvańnia. Razam sa štatnymi dyktarami Adamam Tryputnikam i Tašaj Murzenštolc u prajekcie ŭdzielničaje vydatnaja biełaruskaja aktrysa Nacyjanalnaha akademičnaha teatra imia Janki Kupały Chryścina Drobyš!
Uvaha, intryha! Jašče čakajem udziełu vydatnaj zorki biełaruskaha teatra i kino!
- Unikalny kantent!
Vam i dzietkam nie pryjdziecca pierahladać multfilm tolki tamu, što narešcie vyjšła biełaruskaja viersija: kožnaja sieryja budzie novaja i nieviadomaja, bo pa-rusku sieryjał nie ahučvaŭsia!
- Čatyry miesiacy multfilmaŭ pa-biełarusku!
Ahułam 48 sieryj zajmajuć pa časie kala 336 chvilin — jak čatyry poŭnamietražnyja stužki, i reliz usich sieryj zojmie čatyry miesiacy.
- Chutki pačatak relizaŭ! Novyja sieryi pačynajem vykładvać praz tydzień paśla paśpiachovaha zboru finansavańnia!
Na što iduć hrošy:
- Stvareńnie, pierakład i redaktura subcitraŭ;
- Układka teksta i studyjny zapis dyktaraŭ;
- Apracoŭka i źviadzieńnie biełaruskaj hukavoj darožki;
- Padrychtoŭka, mantaž i reliz biełaruskaj viersii multsieryjała;
- Kamisija Vullu;
- Vydatki na suvieniry dla sponsaraŭ
