«Našaj Nivie» stała viadoma pra jašče adnaho supracoŭnika dziaržaŭnaha TB, jaki śledam za Juryjem Prakopavym uładkavaŭsia ŭ novastvorany Biełaruski instytut stratehičnych daśledavańniaŭ.
Čytajcie: Pamiatajecie palityčnaha ahladalnika BT Juryja Prakopava? Jon uładkavaŭsia ŭ novastvorany Instytut stratehičnych daśledavańniaŭ
Heta Hleb Łaŭroŭ, jak vynikaje z sajta Biełteleradyjokampanii — viadučy prahramy «Makiej i Łaŭroŭ. Ab palitycy».
Hleb Łaŭroŭ
«Jon zastaŭsia pracavać na Biełteleradyjokampanii palityčnym ahladalnikam, u nas pracuje pa sumiaščalnictvie. Jak i ŭsie našyja ekśpierty, jon zajmajecca analizavańniem ŚMI», — pacvierdziŭ infarmacyju toj ža Juryj Prakopaŭ, jaki ciapier zajmaje pasadu namieśnika dyrektara BISD.
Chto taki Hleb Łaŭroŭ? Pra jaho «Źviazda» pisała, što jon, «napeŭna, adzin z samych viadomych na biełaruskim telebačańni palityčnych ahladalnikaŭ, jaki raskazvaje pra palityku 20 hadoŭ».
Spasyłak na viadomaha ahladalnika ŭ internecie, praŭda, vobmal.
Padborka zapisaŭ prahramy «Makiej i Łaŭroŭ. Ab palitycy» śviedčyć ab niestabilnym intaresie aŭdytoryi: niekatoryja vypuski nie prahledzieli i 20 razoŭ, a voś najbolš udałyja nabrali amal pad 400 prahladaŭ.
