Rasijskaja kampanija «Mostatrest», jakaja naležyć miljarderu Arkadziu Ratenbierhu, atrymała kantrakt na rekanstrukcyju ŭčastka darohi M1 «Biełaruś» na 31 młrd rub. Paśla rekanstrukcyi hety ŭčastak stanie płatnym, paviedamlaje rbc.ru.
Kantrakt praduhledžvaje rekanstrukcyju ŭčastka na 33-84-m km u Maskoŭskaj vobłaści. Kampanija Ratenbierha prapanavała vykanać raboty za 30,82 młrd rasijskich rub. Pačatkovy košt kantraktu skłaŭ amal 30,98 młrd ras. rub. Takim čynam, padradčyk pahadziŭsia vykanać kantrakt na 0,5%, abo 155 młn ras. rub., tańniej pieršapačatkovaj sumy zajaŭki. Kantrakt praduhledžvaje nie tolki rekanstrukcyju ŭčastka darohi, ale i jaho nastupnuju ekspłuatacyju na płatnaj asnovie.
Na płatnaj asnovie ekspłuatujecca ŭčastak M1 praciahłaściu 18,5 km. Bazavy dzionny taryf dla prajezdu pa hetym učastku składaje ad 350 rasijskich rubloŭ (kala 11,30 biełaruskich) dla lehkavoha aŭtamabila da 1120 rasijskich rubloŭ (kala 26 biełaruskich) dla hruzavika abo aŭtobusa z pryčepam, bazavy načny taryf — ad 20 rasijskich rubloŭ.
Trasa M1 źjaŭlajecca častkaj jeŭrapiejskaha maršrutu E30 i azijackaha AH6. Jana idzie praz usiu Biełaruś ad Bresta da Oršy, u miežach Rasii prachodzić pa terytoryi Maskoŭskaj i Smalenskaj abłaściej.
