Rekanstrukcyju bajoŭ pa vyzvaleńni Minska płanujuć pravieści ŭ stalicy ŭ nastupnym hodzie. Pra heta paviedamiŭ pieršy sakratar Minskaha haradskoha kamiteta BRSM Siarhiej Kliševič pierad pačatkam adkrytaha dyjałohu z moładździu, jaki adbyŭsia ŭ Muziei sučasnaj biełaruskaj dziaržaŭnaści 24 červienia, pieradaje ahienctva «Minsk-Naviny».
— Dla Minska staŭ užo tradycyjnym partyzanski parad «Letam 1944-ha». My płanujem raźvivać hety prajekt i dalej. U pryvatnaści, adnaŭlać bai pa vyzvaleńni Minska. U nas dla hetaha jość usia nieabchodnaja infrastruktura. I my ščylna pracujem u hetym kirunku z našymi historykami, — rastłumačyŭ Kliševič. — Histaryčnaja rekanstrukcyja siońnia cikavaja jak dla samich udzielnikaŭ, tak i dla hledačoŭ. Hetaja dziejnaść nabiraje papularnaść va ŭsim śviecie.
