Dva źniščalniki Eurofighter bundeśviera sutyknulisia ŭ pavietry i raźbilisia ŭ niamieckaj fiederalnaj ziamli Mieklenburh - Piaredniaja Pamieranija, paviedamiła vydańnie Focus sa spasyłkaj na bundeśvier.
Piłotam udałosia katapultavacca, adzin ź ich vyžyŭ, druhoha znajšli miortvym.
Šmatmetavyja źniščalniki čaćviortaha pakaleńnia Eurofighter stajać na ŭzbrajeńni VPS Vialikabrytanii, Hiermanii, Italii, Ispanii, Saudaŭskaj Aravii, Aŭstryi i Amana.
Ad 2003 hoda samalot vykarystoŭvaŭsia praktyčna va ŭsich apieracyjach NATA.
U 2017-m ministr abarony Aŭstryi raskrytykavaŭ ich techničnyja charaktarystyki: jon adznačyŭ, što źniščalniki drenna dziejničajuć va ŭmovach niedastatkovaj bačnaści i ŭnačy.
0
0
0
0
0
0
