Ucioki ad niekalkich patruloŭ DAI na chutkaści 250 km/h, sproba taranu słužbovaha aŭto, ruch u lasnym masivie — tak skončyłasia sproba rabotnika STA vyprabavać čužuju BMW X5 M.
Jak paviedamlaje pres-słužba UUS Minabłvykankama, 23 červienia a 8:45 narad DAI nios słužbu na 11-m km aŭtadarohi M3 Minsk - Viciebsk. Uvahu supracoŭnikaŭ pryciahnuŭ BMW X5 M biez numaroŭ, jaki mocna pieravysiŭ chutkaść.
Aŭtaamatar pasprabavaŭ adarvacca ad ekipaža DAI, razahnaŭšysia da 250 km/h. Nie ŭličyŭ kiroŭca, što aŭtapark Dziaržaŭtainśpiekcyi Minščyny dazvalaje pieraśledvać i takich lichačoŭ. Taksama jon pasprabavaŭ taranić słužbovaje aŭto, ale supracoŭnikam udałosia paźbiehnuć sutyknieńnia.
Kiroŭca zrazumieŭ, što nie zmoža schavacca pa aŭtatrasie, vyrašyŭ zrabić heta pablizu lasnoha masivu. Ale ekipažy DAI i milicyi błakavali vyjezdy. U vyniku kiroŭcu daviałosia spynicca.
Vyśvietliłasia, što heta — 27-hadovy rabotnik STA, kudy haspadar addaŭ na ramont darahi BMW. Na lichača składziena 8 administracyjnych pratakołaŭ, u tym liku za kiravańnie biez pravoŭ (raniej byŭ pazbaŭleny), stvareńnie avaryjnaj abstanoŭki i nievykanańnie patrabavańnia ab spynieńni, što paciahnuła pieraśled.
