Zatrymanych padazrajuć u ździajśnieńni sieryi nalotaŭ u składzie bandy na adździaleńni bankaŭ i kasiraŭ, paviedamlaje pres-słužba HUUS.
Pieršapačatkova ŭ milicyju pastupiła apieratyŭnaja infarmacyja ab źjaŭleńni ŭ adnym z rajonnych centraŭ Hrodzienskaj vobłaści dvuch padazronych mužčyn.
Charaktar źviestak davaŭ padstavy mierkavać, što duet, mahčyma, datyčny da niezakonnaj dziejnaści i sprabuje schavacca.
Pravierka pakazała, što havorka idzie pra dvuch hramadzian Rasii (1978 i 1982 hoda naradžeńnia), jakija znachodziacca ŭ miždziaržaŭnym vyšuku pa padazreńni ŭ ździajśnieńni sieryi rabavańniaŭ bankaŭskich adździaleńniaŭ na terytoryi Varoniežskaj vobłaści RF.
Jany ŭvieś čas mianiali miesca žycharstva, telefony. Apieratyŭniki nie vyklučajuć, što hastralory płanavali napady na bankaŭskija ŭstanovy i ŭ Biełarusi.
Taksama jany vyvučali mahčymaści vyrabu padrobnych pašpartoŭ hramadzian Ukrainy dla dalejšaha pieramiaščeńnia praź jaje terytoryju ŭ krainy Jeŭrasajuza.
Zmoŭščyki niekalki razoŭ pryjazdžali ŭ Minsk. Padčas čarhovaha vizitu ich zatrymali ŭ mikrarajonie Sierabranka.
Jany znachodziacca ŭ izalatary časovaha ŭtrymańnia HUUS. Pačaŭsia praces vydačy fihurantaŭ u RF.