Fota ź Vikipiedyi
Libierały «prosta nie mohuć bolš dyktavać što-niebudź padobnaje na toje, jak jany sprabavali heta rabić na praciahu apošnich dziesiacihodździaŭ», zajaviŭ prezident Uładzimir Pucin u intervju haziecie Financial Times.
«Jość, vy viedajecie, sučasnaja tak zvanaja libieralnaja ideja. Jana, pa-mojmu, prosta siabie zžyła kančatkova. Našy zachodnija partniory pryznali, što niekatoryja elemienty jaje nierealistyčnyja», — skazaŭ jon.
U ZŠA i jeŭrapiejskich krainach adbyŭsia adryŭ kirujučych elitaŭ ad nasielnictva, ličyć Pucin. «Što adbyvajecca na Zachadzie? U čym pryčyna fienomienu Trampa ŭ ZŠA? Što adbyvajecca ŭ Jeŭropie? Kirujučyja elity adarvalisia ad naroda», — ličyć prezident Rasii.
U jakaści prykładu jon pryvioŭ prablemu ź mihrantami ŭ ZŠA. Prychilniki libieralizmu ničoha nie robiać, kažuć, što ŭsio dobra, a nasielnictva, jakoje «kožny dzień sutykajecca z prablemaj u Techasie abo Fłarydzie», nie vielmi ščaśliva, skazaŭ Pucin.
«Libieralnaja ideja praduhledžvaje, što ničoha rabić nie treba. Mihranty mohuć biespakarana zabivać, rabavać i hvałcić, tamu što ich pravy jak mihrantaŭ pavinny być abaronieny. A što heta za pravy? Za kožnym złačynstvam pavinna iści pakarańnie», - dadaŭ Pucin.
Słovy Pucina prakamientavaŭ kiraŭnik Jeŭrarady Donald Tusk
«Toj, chto zajaŭlaje, što libieralnaja demakratyja zžyła siabie, taksama śćviardžaje, što siabie zžyli svabody, što viaršenstva zakona i pravy čałavieka», — adznačyŭ jon.
Pa słovach Tuska, sapraŭdy zžyli siabie «aŭtarytaryzm, kult asoby i ŭłada aliharchaŭ». «Navat kali časam jany mohuć zdacca efiektyŭnymi», - ukazaŭ jon.
